Insest og kynsligur ágangur

Kynsligur ágangur er tá ið ein sum barn/ungur hevur verið fyri kynsligum ágangi frá persóni, sum gjøgnum
hendingina sjálv/ur verður kynsliga nøktaður, sum t.d. við:

• at tvinga ein til at taka lut ella at eygleiða í eini gerð, sum hevur kynsligt eyðkenni, sum t.d. pornofilmar.
• at tvinga ein til at nema við kynslimirnar á kroppinum. at standa og lúra til tess at síggja kynslimirnar á kroppinum á einum persóni ella við at umtala teir fyri øðrum.
• kynsligari samveru.

Insest og blóðskemd er kynsligt samband millum (ov) nær skyld ella nær svágd (sí: sprotin.fo). Eisini galdandi fyri stjúkforeldur og systkin.

Pedofili er tá kynsligur ágangurin er framdur á børn og ung, av einum uttanfyri familjuna.

Neyðtøka og kynslig happing er kynsligur ágangur á vaksin.

Hvar fer kynsligur ágangur fram

• í familjum, sum hava ilt við at halda saman.
• í samveruni millum børn og onkran vaksnan persón, sum børn annars hava álit á, t.d. foreldur, systkin, ommur og abbar o.s.fr.
• í øllum samfelagstættum.
• í øllum umhvørvum.

Avleiðingar av kynsligum ágangi

• minnivirðiskensla, skomm, skuldarkensla, ótti
• álitið á umheiminum verður brotið niður
• afturhildin vreiði, beiskleiki, hatur
• trupulleikar í samlívinum
• vantandi persónlig mørk
• sosialir trupulleikar

Fært tú ikki hjálp, so kunnu avleiðingarnar verða lívslangar!