Kategori: Tíðindi

Eina hjartans tøkk til tykkum øll, sum á ymiskan hátt hava stuðlað okkum í hesum hendingaríka ári sum brátt er farið.
Árið 2017 hevur verið sera hendingarríkt hjá KRIS. Nógv er hent og nógv er eftir at gera. Vit takka fyri gott samstarv og fara vit við treysti undir nýggju uppgávurnar í komandi ári.

Gleðilig jól og gott nýggjár
Glædelig jul og godt nytår
God jul og godt nytt år

SMISO Hordaland hevur, saman við Raindog Studio, og við stuðli frá Helsedirektoratet framleitt ein teknifilm til børn, um góð og ring loyndarmál. Filmurin eitur Loyndarmálið.
SMISO- Senter mot incest og seksuelle overgrep, er ein miðstøð fyri ung, kvinnur og menn, ið hava verið fyri kynsligum ágangi.
www.smiso-hordaland.no

Sí filmin Her

Stuðulsgrunnurin fyri KRIS ynskir við hesum skrivi, at koma við eini hjartans tøkk til tykkum øll, ið hava stuðlað.
Inn komu tils. Kr. 199.000,00
Peningurin fer til at gera ábøtur á hús, sum stuðulsgrunnurin, við eini stuðulsavtalu,hevur keypt frá Bank Nordik.
Talan er um fyrrverandi bankabygningin á Toftum.
Túsund takk til tykkara, sum vóru úti við bússum. Takk til tykkara, sum hava flutt pening á kontu, og hava ringt inn til 90 nr.
Uttan tykkara hjálp hevði hetta ikki ikki kunna latið seg gjørt.

Vinaliga
Samskipari
Beinta M. Pedersen

Um tú ikki fekst høvið at stuðla til landsinnsavnanina, ið stuðulsgrunnurin hjà KRIS skipaði fyri tann 25.nov, ber enn til at stuðla, við at flyta pening inn á kontonr: 6460 5738883- Bank Nordik

Jólamerkjagrunnurin hevur til endamáls at býta út ágóðan av søluni av jólamerkjum, ið Posta gevur út á hvørjum ári. Grunnurin stuðlar samfelagsgagnligum verkætlanum fyri børn og ung. Í ár hevur KRIS fingið stuðul áljóðandi kr. 200.000.
Hvørja ferð tú keypir jólamerki frá Posta, fer vinningurin til Jólamerkjagrunnin, sum letur stuðul til verkætlanir fyri børn og ung. Jólamerkjagrunnurin hevur gjørt av at lata KRIS stuðul í ár.

KRIS er ein sjálvboðin felagsskapur, hvørs endamál er at hjálpa og stuðla persónum yvir 18 ár, ið hava verið fyri kynsligum ágangi. Við síðuna av hesum, hevur Felagsskapurin KRIS eisini ta uppgávu, at skipað verður fyri upplýsing um kynsligan ágang. Hetta ger KRIS við tiltøkum og skeiðum.
Tað er í  hesum partinum av virkseminum, at KRIS vil nýta stuðulin frá Jólamerkjagrunninum at framleiða kunningar- og undirvísingartilfar til fakfólk, og onnur áhugað. Hetta fer at koma øllum til góða, við at skapa tilvitsku og fyribyrging móti kynsligum ágangi.
Hesar samfelagsgagnligu verkætlanir sampakka sera væl við endamálið hjá Jólamerkjagrunninum, og er hetta orsøkin til, at grunnurin gjørdi av at veita KRIS peningaligan stuðul.
Jólamerkini kunnu keypast á Posta og á stamps.fo. Í ár hevur Elin P. Andreasen sniðgivið jólamerkini, og kostar arkið kr. 30,-.
Jólamerkjagrunnurin ynskir KRIS góða eydnu við verkætlanunum.
Í Jólamerkjagrunninum eru:
Joel undir Leitinum, stjóri á Posta, formaður
Edvard Heen, stjóri á Almannaverkinum, nevndarlimur
Fróði Joensen, barnalækni, nevndarlimur

Posta.fo: Her

Hoyr sending frá GMF : Her

 

Árliga landsinnsavningin hjá KRIS verður leygardagin 25.nov 2017

Okkum tørvar fólk at hjálpa .
Verð Vælkomin at ringja á tlf nr 504701 ella við at senda eini boð.

 

Týsdagin 10. Oktober verður Altjóða Sálarheilsudagurin hátíðarhildin í Öström í Tórshavn. Altjóða Sálarheilsudagurin er eitt afturvendandi tiltak, sum verður hildið kring allan heim 10. Oktober á hvørjum ári.

Tiltakið er frá kl 13 til kl 20

KRIS fer at hava bás, har vit fara at kunna um okkara arbeiðið og høvi verður at seta okkum spurningar

Vælkomin at vitja okkara bás

 

Av hjarta takk fyri allan stuðul

KRIS hevur við sínum arbeiði innan seinárin av kynsligum ágangi, verið við til at Føroya fólk meira og meira eru tilvitað um avbjóðingarnar hesi menniskju liva í og tí eru vorðin meira viðurkend í samfelagnum. Takk fyri tað !
Í døgunum 17. til 21. august hevði KRIS vitjan av Utsatt mann í Noregi.
KRIS, sum hevur til endamáls at hjálpa og stuðla menniskjum, sum hava verið fyri kynsligum ágangi, hittu 4 menn frá Utsatt mann á einari ráðstevnu í Noregi í mei í ár. Avtala bleiv gjørd við teir um at koma at vitja í Føroyum og á henda hátt varpa ljós á kynsligan ágang.
Teir føroysku “mc bikarnir” læntu 4 motorsúkklur til norsku gestirnar og vóru teir eisini sjónligir á fleiri av túrunum m.a. frá Vágum til Hotel Runavík og frá Hvalvík til Vestukirkjuna í Tórshavn.
Vitjað varð hjá Tórshavnar býráði, har Bergunn Kass og Turid Horn tóku imóti og í Klaksvík tók sjálvur borgarstjórin, Jógvan Skorheim ímóti. Vístur varð norski dokumentarurin Utsatte menn og vístu tey hesum stóran áhuga. Vit vóna at hetta fer at virka til størri politiskan áhuga, soleiðis at vit fáa enn meiri orku til at hjálpa menniskjum, sum hava verið fyri kynsligum ágangi.
Vitjað varð eisini í Arrestini í Mjørkadali, har Elkin Klettheyggj tók ímóti. Eisini har bleiv filmurin vístur og menninir frá “Utsatt mann” fingu høvi at siga frá um teirra arbeiði og teirra royndir.

Á skránni var eisini vitjanin til Skjólið hjá Blákross, har Sverri Steinhólm var vertur. Filmur og góðar samrøður við politikarar, fakfólk og onnur.
Fríggjakvøldið bjóðaði Beinta Háberg Jacobsen til ein góðan døgverða í Áarstovu.
Frælsið á Eiði, har Martin Kúrberg tók ímóti. Har fingu vit eisini høvi at tosa við Una Næs, dómpróst, um arbeiði hjá kirkjum og samkomum, sum arbeiða við at gera átak ímóti ágangi í Føroym.
Derhardt Jacobsen, prestur, tók ímóti í Vesturkirkjuni í Tórshavn, har dokumentarurin varð vístur.
TAKK – øll tit, sum gjørdu hetta møguligt:
• Føroysku “MC bikarnir”
• Atlantic Airways,
• Hotel Runavík,
• HK Bussar,
• Býráðið í Havn
• Býráðið í Klaksvík
• Arrestin
• Skjólið
• Vesturkirkjan
• Áarstova
• Frælsið
• Kristoffur A. Olsen,
• Signar í Homrum
• Magni Christiansen

 

Sig Nei! – Eitt átak ímóti netbornum kynsligum tvingsli av børnum
EUROPOLtube:

filmur Her