Forfatter: Kris

Aðalfundur felagsins verður hósdagin 19. mars kl 16.

Aðalfundur felagsins verður hósdagin 19. mars kl 16.

Hagtølini fyri  árið 2019 vísa, at í alt 144 menniskju hava vent sær til KRIS í fjør, 35 fleiri áheitanir samanborið við 2018.

Kynsbýtið í 2018 er 79 kvinnur og 30 menn, meðan 2019 vísir, at kynsbýtið er 102 kvinnur og 42 menn

Beinta M. Pedersen, forkvinna í KRIS, greiðir millum annað frá sanginum “Nýggjar leiðir”, ið Bjarki Hansen syngur, og sum Kris hevur givið út.

Hoyr sendingina herhttps://kvf.fo/netvarp/uv/2020/01/25/kaffidussur-vi-beintu-m-pedersen

Nýggjar leiðir kann hoyrast her:

Stóra takk fyri gávuna, sum  Betri Stuðul hevur valt at lata KRIS í ár. Tað er hjartanemandi at síggja, at so mong menniskju hava valt at nevna KRIS í samband við útlutan av peningagávu, og stóra takk skulu tit øll hava fyri tað.

At enda fara vit at ynskja tykkum eini gleðilig jól og eitt  av Harranum vælsignað komandi ár

Nú eru øll 4 heftini, ið Kris hevur føroyskað, teldutøk. http://kris.fo/leinkjur/

Í samstarvi við Red Barnet í Danmark, ið hevur tikið stig til at geva út fýra hefti um kynsligan ágang móti børnum, hevur KRIS umsett Føroyskt. Tvey tey fyrstu heftini komu út í fjør og nú koma tey bæði seinnu.

—–

Tá ið vaksin fremja ágang – er fyrsta heftið av fýra, ið eru ætlað vaksnum. Í hesum hefti fært tú breiða kunning um, hvat kynsligur ágangur ímóti børnum er.

Tá ið illgrunin kyknar – er næsta heftið. Her eru ráð um, hvussu tú kanst bera teg at, um tú sum foreldur, avvarðandi ella fakfólk fært illgruna um, at eitt barn er fyri kynsligum ágangi.

Tá ið illgrunin verður til mál – er triðja heftið. Her kanst tú lesa um, hvussu ítøkilig mál um kynsligan ágang verða handfarin, og hvussu tú sum vaksin – hvørt tú ert foreldur, avvarðandi ella fakfólk – eigur at bera teg at í sambandi við málsviðgerðina.

Tá ið ágangurin ferðast kring heimin – er fjórða heftið. Hetta heftið er ætlað foreldrum ella fakfólki, ið vilja vita meira um filmar og myndir av ágangi móti børnum, um hvussu alt verður framleitt og breitt út, um hvat verður gjørt, og um hvat kann gerast í stríðnum ímóti ólógligu myndunum.

Stríðið móti kynsligum ágangi

Eins og Red Barnet vil KRIS stríðast ímóti kynsligum ágangi ímóti børnum.

Børn hava rætt til at vera børn og eiga ongantíð at verða tvingað til kynsligt samband. Øll børn kunnu vera í vanda fyri kynsligum ágangi, men førleikaveik børn eru í størri vanda enn førleikasterk børn.

Børn, sum vaksa upp í ótryggum umhvørvi og eru nógv einsamøll, eru viðkvæmari, tá ið vaksin skemmari vísir teimum umsorgan og tann hátt roynir at fáa samband í lag við tey.

Eingir skemmarar eru líka

Hugmyndin um tann eyðkenda kynsliga skemmaran við feittutum hári og í knarvakoti samsvarar sjáldan við veruleikan.

Tað er ein sannroynd, at teir sleppa sjáldan  at vera saman við børnum, og tí – sjálvt um teir vildu – hava ikki nógvar møguleikar at fremja kynsligan ágang. Í staðin mugu vit staðfesta, at vaksin, sum finna røttu løtuna til at fremja kynsligan ágang ímóti børnum og ómyndigum, eru ógvuliga ymislig fólk. 

Vit vita, at ein stórur partur av ágangi hendir í húskinum ella í nærumhvørvinum. Ein minni partur hendir á dagstovnum, í skúlum og í sambandi við frítíðarvirksemi.

Frá vinalagi til kynsligan ágang

Hjá vaksnum kann vera trupult at taka støðu til ta sosialu tilveruna, ið børn og ung liva í á netinum. Men kynsligur ágangur kann eisini fara fram gjøgnum talgildar miðlar. Talan kann vera um børn og ung, ið gera seg  inn á hvørt annað, og um vaksin, ið gera seg inn á børn. Til dømis kann ágangurin koma fyri, eftir at skemmarin í langa tíð hevur bygt upp eitt vinalag og so lokkar ofrið at hava kynsligt samband t.d gjøgnum vevmyndatólið ella við at hittast.

Við vitan kann kynsligur ágangur fyribyrgjast 

Vitan er sterkasta vápnið, tá ið støða verður tikin til kynsligan ágang fakliga og persónliga bæði í samband við tað fyribyrgjandi arbeiðið, tá ið illgruni kyknar og í heilt ítøkiligum málum.

Bæði foreldur og fakfólk, sum dagliga eru um børn, hava tørv á vitan og amboðum, fyri at veita børnunum ta verju, tey hava rætt til.

Kynsligur ágangur er bert ein av fleiri orsøkum til, at børn og ung vísa tekin um vantrivnað ella frávíkjandi atburð. Samstundis vísa summi børn sera ógreið ella als eingin sjónlig tekin, hóast tey hava verið fyri ágangi. Í øllum førum eiga vit vaksnu at fara til verka, um eitt barn t.d. hevur angist, fer lætt at gráta, hevur ilt við at sova o.s.fr. 

Eingin endaligur svarlisti er at taka til fyri at varnast ella avdúka kynsligan ágang. Tí eiga vit at leita okkum vitan um, hvørjar sálarligar og sosialar avleiðingar, kynsligur ágangur hevur, og á tann hátt duga betur at meta um illgruna. 

KRIS vónar, at hesar útgávur kunnu vera við at stuðla foreldrum og fakfólki í stríðnum móti kynsligum ágangi á børn.

Heftini, sum eru uttan kostnað, kunnu fáast við at venda sær til: kris@kris.fo

Kris vil fegin takka Jólamerkjagrunninum fyri stuðul til hesar útgávurnar, Red Barnet fyri útlutan av tilfari og  Sprotanum fyri gott samstarv í sambandi við rættlesur og útgávu. Høvuðsstuðul hjá KRIS er BankNordik.

KRIS bjóðar eisini skeið til tannlæknar. Evni: Kann tannlæknaræðsla hava samband við kynsligan ágang ?

Kann ræðslan hava samband við seinárin av kynsligum ágangi?

Sambært hagtølum, hava 93 fólk vent sær til KRIS higartil í ár. Eitt av seinárinunum er ótti fyri at fara til tannlækna. Ræðsla fyri at noyðast at liggja flatur niðri, at føla seg fasthildnan, hava opnan munn og fáa trýst amboð og fingrar í munnin, kann verða ein sera stór avbjóðing.

Skeiðið er ætlað starvsfólki á tannlæknastovum, ið hava beinleiðis samband við viðskiftafólk. Tað er eisini sera umráðandi at barnatannlæknar/røktarar eisini fáa vitan innan evni.

SKRÁ:

• Um okkum
• Møgulig tekin um kynsligan ágang
• Hvar finna vit hesi vaksnu og børnini
• Hvussu handfara vit eina slíka støðu
• Tilbúgving
• Seinárin
• Ein kvinna greiðir frá upplivingum og ræðslu fyri at fara til tanlæknan
• Drekkamuður verður at fáa í steðginum

Nógv eru tey, sum hava stórar trupulleikar av at fara til tannlækna, vegna kynsliga áganginum, tey vóru fyri sum børn og ung.

Kvinna sigur frá

Í hesum sambandi kemur ein føroysk kvinna at greiða frá sínum upplivingum og ótta fyri at fara til tannlækna, vegna kynsliga áganginum henni var fyri sum barn og ung.

Kanning frá 2010 av 1132 donskum tannlæknum og – tannrøktarum vísir, at:

“…38 % på et tidspunkt  har haft mistanke om overgreb  eller omsorgssvigt mod et  barn. Heraf anmeldte ca. en        tredjedel (34%) deres mistanke til de sociale myndigheder. De  væsentligste barrierer i  forbindelse med  at underrette sin mistanke er usikkerhed vedrørende observationer og  frygt  for, at  det vil  udløse vold mod barnet i hjemmet samt manglendekendskab til inderretningsprocedurer.”

Sum einasti stovnur í landinum arbeiða vit við seinárinum av kynsligum ágangi.

Vit vilja bjóða tykkum at koma til okkara at fáa meiri vitan innan evnið, soleiðis at tit verða betri ílatin til at handfara tykkara viðskiftafólk, sum hava tað ringt við at leggja seg í stólin, tá tannlæknin fer til verka.

Skeiðið er til øll starvsfólk á eini tannlæknastovu og varir í 2 tímar inkl. einum lítlum steðgi.

https://www.dr.dk/nyheder/indland/ofre-misbrug-har-ofte-tandlaegeskraek:

Cirka én ud af 10 danskere har været udsat for seksuelle overgreb i barndommen. De lider ofte af voldsom tandlægeskræk og skal behandles med medfølelse og hensyn, skriver Tandlægebladet.

Bladet peger på en norsk undersøgelse fra 2001, der viser, at 75 % af de kvinder, der som børn havde været udsat for seksuelle overgreb, led af høj grad af tandlægeskræk.

Og en anden undersøgelse fra Institut for Klinisk Odontologi i Oslo kommer frem til nogenlunde samme resultat.

Kroppen invaderet

At de dårlige oplevelser fra barndommen kommer frem, når man ligger i tandlægestolen, har flere årsager. Kuno Sørensen er psykolog hos Red Barnet, og han møder mange børn, der har været misbrugt seksuelt.

– Mennesker, der har oplevet seksuelle overgreb, har været udsat for, at deres krop er blevet invaderet af nogen udefra. Når de senere i livet kommer ud i situationer, der har lighedspunkter med overgrebet, kan det reaktivere de traumatiske oplevelser, forklarer Kuno Sørensen.

Han understreger, at det er vigtigt, at tandlægerne er opmærksomme på de reaktioner, som de pågældende børn kan have hos tandlægen: Enten kæmper de voldsomt imod, eller også gør de det modsatte; nemlig lukker helt af og går ind i en slags dvaletilstand, hvor de lukker smerten ude.

---